തിരുവനന്തപുരം ജില്ലയിൽ ദുരൂഹത നിറഞ്ഞ ഒരു മരണം.ഭർത്താവിനൊപ്പം കുളിക്കാൻ എത്തിയ യുവതി പിന്നീട് മുങ്ങി മരിച്ച നിലയിൽ കണ്ടെത്തപ്പെട്ടു.
പന്ത കാഞ്ചിമൂട് സ്വദേശിയായ സിമി (24) ആണ് മരണപ്പെട്ടത്. ഇന്നലെ ഉച്ചയ്ക്ക് 12 മണിയോടെ ഭർത്താവ് നിതിനൊപ്പം നെയ്യാർജലസംഭരണിയിൽ കുളിക്കാൻ എത്തിയതായിരുന്നു.കുളിക്കാൻ എത്തിയപ്പോൾ സോപ്പ് എടുക്കാൻ മറന്നുപോയതിനെ തുടർന്ന് നിതിൻ വീട്ടിലേക്ക് തിരികെ പോയി. കുറച്ച് സമയം കഴിഞ്ഞ് വീണ്ടും എത്തുമ്പോൾ…അവിടെ സിമിയെ കാണാനില്ലായിരുന്നു.
ഭയന്ന് തിരച്ചിൽ ആരംഭിച്ചു…അൽപസമയം കഴിഞ്ഞ് നെയ്യാർ ഡാമിന് സമീപത്ത് വീണുകിടക്കുന്ന നിലയിൽ സിമിയെ കണ്ടെത്തി.
ഉടൻ ആശുപത്രിയിലെത്തിച്ചെങ്കിലും…ജീവൻ രക്ഷിക്കാനായില്ല.
സിമിയുടെ മരണത്തിൽ ദുരൂഹതയുണ്ടോ എന്ന് പരിശോധിച്ച് പോലീസ് അന്വേഷണം ആരംഭിച്ചിട്ടുണ്ട്.പോസ്റ്റുമോർട്ടം റിപ്പോർട്ട് വന്നതിന് ശേഷമേ മരണത്തിന്റെ യഥാർത്ഥ കാരണം വ്യക്തമാകൂ.