മലപ്പുറം: എംഡിഎംഎയുമായി നവവരന് അറസ്റ്റിൽ. തവനൂർ പുത്തന്പുരയില് മുഹമ്മദ് ഷിബാനെയാണ് (26) തിരൂര് പോലീസ് അറസ്റ്റ് ചെയ്തത്.വീടിന്റെ മുകളിലെ നിലയിലെ മണിയറയില് ബാത്ത്റൂമിലാണ് ഇയാള് എംഡിഎംഎ. ഒളിപ്പിച്ചിരുന്നത്. തിരൂരിലെ പൊറ്റിലാത്തറയില് വച്ച് കാറില് നിന്നും എംഡിഎംഎ പിടികൂടിയിരുന്നു.തുടര്ന്നുള്ള അന്വേഷണത്തിലാണ് മുഹമ്മദ് ഷിബാന് ഉപയോഗത്തിനും വില്പ്പനയ്ക്കുമായി കൊണ്ടുവന്നതാണെന്നും ബാക്കിയുള്ള എംഡിഎംഎ ഇയാള് വിവാഹം കഴിച്ച നവവധുവിന്റെ വീട്ടില് സൂക്ഷിച്ചിട്ടുണ്ടെന്നും പോലീസിന് വിവരം ലഭിച്ചത്.
തുടര്ന്ന് വീട്ടിലെത്തി പോലീസ് എംഡിഎംഎ. കണ്ടെടുത്തു. കാറില് നിന്നും ഭാര്യവീട്ടില്നിന്നുമായി മൊത്തം 1.55 ഗ്രാം എംഡിഎംഎയാണ് കണ്ടെടുത്തതെന്ന് പൊലീസ് പറഞ്ഞു. ഷിബാന് സ്വകാര്യ ആശുപത്രിയില് തെറാപ്പിസ്റ്റായി ജോലി ചെയ്തുവരികയാണ്.