കണ്ണൂർ: പ്രായപൂർത്തിയാകാത്തകുട്ടികളുടെ അശ്ലീല വീഡിയോകളും ഫോട്ടോകളും ഫോണിലൂടെ കാണുകയും കൈമാറ്റം ചെയ്യുകയും ചെയ്ത സംഭവത്തിൽ പോക്സോ കേസിൽ ഇതര സംസ്ഥാന തൊഴിലാളി അറസ്റ്റിൽ. കണ്ണൂർ കക്കാട് വാടക ക്വാട്ടേർസിൽ താമസിക്കുന്ന അസാംബർപേട്ട കാഡോം സ്വദേശി അമിനുൾഹഖിനെ (22)യാണ് ടൗൺ സ്റ്റേഷൻ ഇൻസ്പെക്ടർ പി എ ബിനു മോഹൻ്റെ നേതൃത്വത്തിൽ പോലീസ് അറസ്റ്റു ചെയ്തത്.
ഇയാളുടെ ഫോൺ പരിശോധിച്ചതിൽ നിരവധി പ്രായപൂർത്തിയാകാത്ത കുട്ടികളുടെ നഗ്നദൃശ്യങ്ങൾ പോലീസ് കണ്ടെത്തിയിരുന്നു. തുടർന്ന് പോക്സോ, ഐ.ടി ആക്ട് പ്രകാരം കേസെടുത്ത് പ്രതിയെ അറസ്റ്റു ചെയ്തു. കോടതിയിൽ ഹാജരാക്കിയ പ്രതിയെ റിമാൻ്റു ചെയ്തു.