തളിപ്പറമ്പ് – ഇരിട്ടി സംസ്ഥാനപാതയിൽ പരിപ്പായി കക്കരക്കുന്ന് വളവിൽ ഇന്നലെ വൈകിട്ട് മരവുമായി പോവുകയായിരുന്ന ഒരു ചെറിയ ലോറി മറിഞ്ഞു. ശ്രീകണ്ഠപുരം ഭാഗത്തുനിന്ന് തളിപ്പറമ്പ് ഭാഗത്തേക്ക് അമിതഭാരവുമായി പോവുകയായിരുന്ന ഈ ലോറി, അപകടത്തിന് മുൻപ് ശ്രീകണ്ഠപുരം ടൗണിലെ സെൻട്രൽ ജംക്ഷനിലെ സിഗ്നലിനു സമീപം ഒരു ബംപിൽ കുടുങ്ങി ഗതാഗത തടസ്സമുണ്ടാക്കിയിരുന്നു. അവിടെനിന്ന് 200 മീറ്റർ പിന്നിട്ടപ്പോഴാണ് ലോറി മറിഞ്ഞതെങ്കിലും, വാഹനത്തിലുണ്ടായിരുന്ന ജീവനക്കാർക്ക് കാര്യമായ പരുക്കുകളില്ലാതെ വൻ അപകടം ഒഴിവായി.