മലപ്പുറത്ത് എല്കെജി വിദ്യാര്ത്ഥിനിയെ ലൈംഗികമായി ഉപദ്രവിച്ച സംഭവത്തില് ബസ് ക്ലീനര് പിടിയില്. സ്കൂള് ബസില് വെച്ച് എല്കെജി വിദ്യാര്ത്ഥിനിയെ ലൈംഗികമായി ഉപദ്രവിക്കുകയായിരുന്നു.സംഭവത്തില് സ്കൂള് ബസിന്റെ ക്ലീനറായ മലപ്പുറം കന്മനം സ്വദേശി അടിയാട്ടില് മുഹമ്മദ് ആഷിഖ് ആണ് അറസ്റ്റിലായത്.
കല്പകഞ്ചേരി പൊലീസാണ് പ്രതിയെ പിടികൂടിയത്. കടുങ്ങാത്തുകുണ്ടിലെ സ്വകാര്യ സ്ഥാപനത്തില് പഠിക്കുന്ന വിദ്യാർത്ഥിനിയെ പ്രതി ബസിന്റെ പിൻസീറ്റില് കൊണ്ടുപോയി ലൈംഗികമായി ഉപദ്രവിച്ചുവെന്നാണ് പരാതി. കുട്ടിയുടെ വീട്ടുകാരുടെ പരാതിയില് പൊലീസ് കേസെടുക്കുകയായിരുന്നു.