അജുൽരാജിന്റെ അത്മഹത്യ പരീക്ഷക്ക് മാർക്ക് കുറഞ്ഞതിലെ മനോവിഷമം കാരണം.ഇന്നലെ വൈകുന്നേരമാണ് പിലാത്തറ മേരിമാത സ്ക്കൂളിലെ എട്ടാംക്ലാസ് വിദ്യാർത്ഥി അജുൽരാജ് വീട്ടിലെ കിടപ്പുമുറിയുടെ മുറിയുടെ ജനൽകമ്പിയിൽ തൂങ്ങിമരിച്ചത്.മാർക്ക് കുറഞ്ഞതിന് സ്ക്കൂളിൽ നിന്ന് അധ്യാപിക വഴക്കുപറയുമോ എന്ന പേടി കുട്ടിക്ക് ഉണ്ടായിരുന്നുവെന്ന് ബന്ധുക്കൾ പറഞ്ഞു.
പിലാത്തറ പെരിയാട്ട് വാടകവീട്ടിൽ താമസിക്കുന്ന പുതിയതെരു സ്വദേശി വാരിയമ്പത്ത് വീട്ടിൽ വിജിന-രാജേഷ് ദമ്പതികളുടെ മകനാണ് അജുൽരാജ്(13).
ഉച്ചഭക്ഷണം കഴിഞ്ഞ് അമ്മ വിജിനയും ഇളയമകളും ഉറങ്ങാൻ കിടന്നിരുന്നു.വൈകുന്നേരം 5.45 ന് ഇവർ ഉറങ്ങിയെഴുന്നേറ്റപ്പോഴാണ് അജുൽരാജിനെ മരിച്ച നിലയിൽ കണ്ടത്.ഉടൻതന്നെ കെട്ടറുത്ത് പരിയാരത്തെ കണ്ണൂർ ഗവ.മെഡിക്കൽ കോളേജിൽ എത്തിച്ചുവെങ്കിലും മരണപ്പെട്ടു.പരിയാരത്തെ കണ്ണൂർ ഗവ.മെഡിക്കൽ കോളേജ് മോർച്ചറിയിൽ സൂക്ഷിച്ചിരിക്കുന്ന മൃതദേഹം പോസ്റ്റ്മോർട്ടത്തിന് ശേഷം കണ്ണൂർ പയ്യാമ്പലത്ത് സംസ്ക്കരിക്കും.