തൊട്ടടുത്ത മുറിയിലുണ്ടായിരുന്ന രജ്ഞിതയും കുഞ്ഞും തലനാരിഴയ്ക്കാണ് രക്ഷപ്പെട്ടത്.ശബ്ദം കേട്ട ഭാഗത്ത് നോക്കിയപ്പോഴാണ് പാറക്കല്ല് ഇടിഞ്ഞ് വീണത് കണ്ടത്. അടുക്കളഭാഗം പൂര്‍ണമായും തകര്‍ന്നു. വീടിന്റെ മറ്റ് ഭാഗങ്ങളിലും വിള്ളല്‍ വീണ നിലയിലാണ്.
2019 ലെ പഞ്ചായത്ത് തിരഞ്ഞെടുപ്പില്‍ വാര്‍ഡ് സ്ഥാനാര്‍ത്ഥിയായി മത്സരിച്ചതിനെ തുടര്‍ന്ന് ഏറെ പ്രതിസന്ധികള്‍ നേരിടേണ്ടി വന്ന തനിക്ക് പ്രശസ്ത സിനിമാതാരവും ബി ജെ പി മുന്‍ എം.പിയുമായിരുന്ന സുരേഷ് ഗോപിയായിരുന്നു'ഹീരാഭവന്‍ ' എന്ന പേരില്‍ വീട് നിര്‍മ്മിച്ച്‌ നല്‍കിയതെന്നും വീട് തകര്‍ച്ചയിലായതോടെ തങ്ങള്‍ ഏറെ ആശങ്കയിലാണെന്നും രഞ്ജിത പറഞ്ഞു. കനത്തമഴയില്‍ തളിപറമ്ബ് താലൂക്കില്‍ മാത്രം ഇതുവരെയായി മുപ്പത്തി ഏഴ് വീടുകള്‍ തകര്‍ന്നിട്ടുണ്ട്.