തിരുവനന്തപുരം: ബിജെപി വിട്ടതായി പത്മജ വേണുഗോപാല്. ബിജെപിയില് ചേർന്നത് തെറ്റായ തീരുമാനമായിരുന്നുവെന്നും ആ തെറ്റ് ഇപ്പോള് തിരുത്തുകയാണെന്നും അവർ പ്രതികരിച്ചു.
ബിജെപിയുടെ ആശയങ്ങള് കൃത്യമായി പഠിക്കാതെയാണ് താൻ എടുത്തുചാടിയതെന്നും, രാജി തീരുമാനം ആദ്യം അറിയിച്ചത് സഹോദരൻ കെ. മുരളീധരനെയാണെന്നും അവർ വ്യക്തമാക്കി.
"പദവികള് ലഭിക്കാത്തതിനാലല്ല രാജി. ബിജെപി എനിക്ക് വാഗ്ദാനങ്ങളൊന്നും നല്കിയിരുന്നില്ല; ഞാനൊന്നും ആവശ്യപ്പെട്ടിട്ടുമില്ല. യുഡിഎഫ് അധികാരത്തില് വരുമെന്ന് അറിയാമായിരുന്നു. കോണ്ഗ്രസില് തിരികെ ചേരുന്ന കാര്യത്തില് ഇതുവരെ തീരുമാനമെടുത്തിട്ടില്ല. കോണ്ഗ്രസിലെ പദവികള് ലക്ഷ്യമിട്ടല്ല ഈ നീക്കം, ആരുമായും തർക്കത്തിനുമില്ല" പത്മജ പറഞ്ഞു.
മുൻ മുഖ്യമന്ത്രിയും കോണ്ഗ്രസ് നേതാവുമായിരുന്ന കെ.കരുണാകരന്റെ മകള് പത്മജ വേണുഗോപാല് 2024 മാർച്ചിലാണ് ബിജെപിയില് ചേർന്നത്. പ്രകാശ് ജാവദേക്കറുടെ വീട്ടില് വച്ച് നടത്തിയ ചര്ച്ചകള്ക്ക് ശേഷമാണ് ഡല്ഹിയിലെ പാര്ട്ടി ആസ്ഥാനത്തെത്തി പത്മജ ബിജെപി അംഗത്വം സ്വീകരിച്ചത്.


