തിരുവനന്തപുരം: അനുവദനീയമായ അളവില്‍ കൂടുതല്‍ എഥനോള്‍ കലർത്തിയ പെട്രോള്‍ വില്‍ക്കുന്നുവെന്ന പരാതിയില്‍ പരിശോധന ശക്തമാക്കാൻ കേരളവും കർണാടകയും.
പെട്രോളില്‍ 31.2 ശതമാനത്തിലേറെ എഥനോള്‍ സാന്നിധ്യം കണ്ടെത്തിയെന്ന കർണാടക സർക്കാരിന്റെ റിപ്പോർട്ടിന് പിന്നാലെയാണ് കേരളത്തിലും പരിശോധന നടത്താൻ തീരുമാനിച്ചത്.സംസ്ഥാനത്തെ വിവിധ പെട്രോള്‍ പമ്പുകളില്‍ തിങ്കളാഴ്ച മിന്നല്‍ പരിശോധന നടത്താനാണ് കേരള സർക്കാരിന്റെ തീരുമാനം. ഉത്തരമലബാർ, മലബാർ, മധ്യകേരളം, തെക്കൻ കേരളം എന്നിങ്ങനെ നാല് മേഖലകളായി തിരിച്ചായിരിക്കും പരിശോധന. ഏതൊക്കെ പമ്പുകളിലാണ് പരിശോധന നടത്തുകയെന്ന വിവരം മുൻകൂട്ടി അറിയിക്കില്ല.പൊതുവിതരണ ഉപഭോക്തൃകാര്യ കമ്മിഷന്റെ നേതൃത്വത്തിലാണ് പരിശോധന. ഓരോ പമ്പില്‍നിന്നും ആറ് സാമ്പിളുകള്‍ വീതം ശേഖരിക്കും.