ആലക്കോട്: പ്രായപൂർത്തിയാകാത്ത കുട്ടിയെ പ്രകൃതിവിരുദ്ധ ലൈംഗിക അതിക്രമത്തിന് ഇരയാക്കിയ കേസിൽ 54-കാരന് 23 വർഷം തടവും ₹53,000 പിഴയും ശിക്ഷ വിധിച്ചു. ആലക്കോട് സ്വദേശി എസ് കെ മുസ്തഫയെയാണ് കണ്ണൂർ ഫാസ്റ്റ് ട്രാക്ക് കോടതി ജഡ്ജ് എം ടി ജലജാറാണി ശിക്ഷിച്ചത്.
2025-ൽ പഴയങ്ങാടി ബസ് സ്റ്റോപ്പിൽ നിൽക്കുകയായിരുന്ന കുട്ടിയെ സൗഹൃദം നടിച്ച് പീഡിപ്പിച്ചുവെന്നാണ് കേസ്. പഴയങ്ങാടി പോലീസ് ഇൻസ്പെക്ടറായിരുന്ന സത്യനാഥനാണ് കേസ് അന്വേഷിച്ച് കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ടർ കെ പി പ്രീതാകുമാരി കോടതിയിൽ ഹാജരായി