പാലക്കാട്: തിരുവോണം ബമ്പറിന്റെ യഥാർത്ഥ ഭാഗ്യശാലി താനാണെന്ന അവകാശവാദവുമായി തമിഴ്നാട് സ്വദേശി രംഗത്ത്. പാലക്കാട് എസ് പി ഓഫീസിലാണ് സാദിഖ് എന്നയാള്‍ എത്തിയത്.യഥാർത്ഥ ടിക്കറ്റ് നഷ്‌ടപ്പെട്ടുപോയെന്നും മൊബൈല്‍ ഫോണില്‍ ഫോട്ടോ ഉണ്ടെന്നുമാണ് ഇയാള്‍ പൊലീസിനോട് പറഞ്ഞത്.മാപ്പുകൾ കാണൂ
പൊലീസ് ഇക്കാര്യത്തില്‍ അന്വേഷണം ആരംഭിച്ചു. ഓണം ബമ്പർ ലോട്ടറിയുടെ ഒന്നാം സമ്മാനം നേടിയ വ്യക്തി കണ്ണൂരിലെ ബാങ്ക് മുഖേന ടിക്കറ്റ് സമർപ്പിച്ചതിന് പിന്നാലെയാണ് തമിഴ്നാട് സ്വദേശി അവകാശവാദവുമായി രംഗത്തുവന്നത്. ഒന്നാം സമ്മാനത്തിനർഹമായ ടിഎല്‍ 360615 എന്ന ടിക്കറ്റ് ബാങ്കില്‍ സമർപ്പിച്ച വ്യക്തി തന്റെ പേരുവിവരങ്ങള്‍ പുറത്തുവിടരുതെന്ന് നേരത്തെ ആവശ്യപ്പെട്ടിരുന്നു. സമ്മാനത്തുക ലഭിക്കുന്നതിനായി ആവശ്യമായ രേഖകള്‍ സഹിതം ഇയാള്‍ സമർപ്പിച്ചിട്ടുണ്ടെന്നും അവ പരിശോധിച്ച്‌ വരികയാണെന്നും ഭാഗ്യക്കുറി വകുപ്പ് ഡയറക്ടർ കെ ഇമ്പശേഖർ വ്യക്തമാക്കി.