പഴയങ്ങാടി: ജൂബിലി തീർത്ഥടന കേന്ദ്രമായ നെരുവമ്പ്രം വിശുദ്ധ ഫ്രാൻസീസ് അസ്സീസി ദേവാലയത്തിൻ്റെ തിരുന്നാൾ ആഘോഷം ഒക്ടോബർ 4 ഞായറാഴ്ച സമുചിതമായി ആഘോഷിക്കുന്നു. ഇടവക മദ്ധ്യസ്ഥൻ്റെ 800 ാം വാർഷികം പ്രമാണിച്ച് വിപുലമായ ഒരുക്കങ്ങളാണ് തിരുന്നാൾ ആഘോഷ കമ്മിറ്റി ഒരുക്കിയിരിക്കുന്നത്.
ഞായറാഴ്ച രാവിലെ 5:30 ന് ശയന പ്രദക്ഷിണം വൈകിട്ട് 4 മണിക്ക് കണ്ണൂർ രൂപത മെത്രാൻ വെരി റവ. ഡോ. അലക്സ് വടക്കുംതല മുഖ്യകാർമ്മികത്വത്തിൽ പൊന്തിഫിക്കൽ ദിവ്യബലി , തുടർന്ന് നേർച്ചഭക്ഷണം. രാത്രി 8:30 കോഴിക്കോട് സെവൻസ് ബെൽസിൻ്റെ മെഗാ ഷോ ഗാനമേള അരങ്ങേറും.