കണ്ണൂർ:പള്ളിക്കുന്നിലെ കണ്ണൂർ വനിതാ ജയിലിലും മയക്ക് മരുന്ന് പിടികൂടി. രണ്ട് വനിതാതടവുകാരിൽ നിന്നാണ്എംഡിഎംഎ പിടികൂടിയത്.
വടകര കൊട്ടകടവ് സ്വദേശി റോഷ്‌നി സാവിയോ എന്ന സാബിറ, തലശ്ശേരി ചാലിൽ സ്വദേശി പി കെ റുബൈദ എന്നിവർക്കെതിരെ കണ്ണൂർ ടൗൺ പോലീസ് കേസെടുത്തു.
0.30 ഗ്രാം എംഡിഎംഎയാണ് തിങ്കളാഴ്ച്ച വൈകിട്ട് അഞ്ചിന് തടവുകാരിൽ നിന്ന് പിടികൂടിയത്.
വനിതാ ജയിൽ സൂപ്രണ്ട് ഇൻചാർജ് സ്‌മിത പറമ്പൻ്റെ നേതൃത്വത്തിൽ സെല്ലിൽ നടന്ന പരിശോധയിലാണ് എംഡിഎംഎ കണ്ടെത്തിയത്.
ഇവർക്കെതിരെ കണ്ണൂർ ടൗൺ പൊലിസ് കേസെടുത്ത് അന്വേഷണമാരംഭിച്ചിട്ടുണ്ട്.