കണ്ണൂർ :പയ്യാമ്പലത്തെ റെയിൻബോ അപ്പാർട്ട്മെന്റിൽ തീപിടിത്തം. ഒമ്പതാം നിലയിൽ ഡോക്ടർമാർ താമസിക്കുന്ന 'സി വൺ' (C1) അപ്പാർട്ട്മെന്റിലാണ് തീപിടിത്തമുണ്ടായത്.
ഇന്ന് ഉച്ചയ്ക്ക് 12 മണിയോടെയാണ് സംഭവം. ഫ്ലാറ്റിൽ നിന്ന് തീയും പുകയും ഉയരുന്നത് കണ്ട് നാട്ടുകാർ വിവരം അറിയിച്ചതിനെ തുടർന്ന് ഉടൻ ഫയർ ഫോഴ്സ് സ്ഥലത്തെത്തി തീയണച്ച് സ്ഥിതി ഗതികൾ നിയന്ത്രണ വിധേയമാക്കി.
തീപിടിത്തത്തിൽ ഫ്ലാറ്റിലുണ്ടായിരുന്ന വൈദ്യുത ഉപകരണങ്ങൾ ഉൾപ്പെടെ കത്തി നശിച്ചിട്ടുണ്ട്. സംഭവത്തിൽ ആളപായമോ പരിക്കുകളോ ഇല്ലെന്നാണ് ലഭ്യമാകുന്ന വിവരം. ഷോർട്ട് സർക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം.