നാദാപുരം വളയത്ത് വീട്ടുമുറ്റത്ത് കളിക്കുന്നതിനിടയിൽ വീണു പരിക്കേറ്റ് ഒന്നരവയസ്സുകാരൻ മരിച്ചു.
വളയം കുനിങ്ങേൻ്റെവിട ജിതിൻ-ബിജിഷ ദമ്പതികളുടെ ഇളയ മകൻ യാവിൻ യുവിക് ആണ് മരിച്ചത്.
മുറ്റത്ത് വീണതിനെ തുടർന്ന് കരഞ്ഞ കുട്ടി പിന്നീട് മയങ്ങിപോവുകയായിരുന്നു. കുട്ടി ഉണരാത്തതിനെ തുടർന്ന് വീട്ടുകാർ വിളിച്ച് നോക്കിയെങ്കിലും അബോധാവസ്ഥയിൽ തുടരുകയായിരുന്നു.
ഉടനെ വളയത്ത് സ്വകാര്യ ആശുപത്രിയിൽ എത്തിച്ച് പ്രാഥമിക ശുശ്രൂഷ നൽകിയ ശേഷം വടകരയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. സഹോദരൻ: അത്വിക്.