കണ്ണൂർ: പഴയങ്ങാടി പിലാത്തറ കെഎസ്ടിപി റോഡിൽ അടുത്തിലയിൽ പ്രഭാത സവാരിക്ക് ഇറങ്ങിയ സ്ത്രീ അജ്ഞാത വാഹനം ഇടിച്ച് മരണപ്പെട്ടു.
ഇന്ന് പുലർച്ചെ നടന്ന അപകടത്തിലാണ് ദാരുണാന്ത്യം സംഭവിച്ചത്. പ്രഭാത സവാരിക്കായി റോഡിലൂടെ നടന്നു പോകുകയായിരുന്ന അടുത്തില സ്വദേശിനിയായ സുലോചന(52)യാണ് മരണപ്പെട്ടത് . അമിത വേഗതയിൽ വന്ന അജ്ഞാത വാഹനം ഇടിച്ചു തെറിപ്പിക്കുകയായിരുന്നു . ഇടിച്ച വാഹനം നിർത്താത സ്ഥലത്ത് നിന്ന് കടന്നുകളഞ്ഞു എന്നാണ് പ്രാഥമിക നിഗമനം.
വിവരമറിഞ്ഞ് പഴയങ്ങാടി പോലീസ് സ്ഥലത്തെത്തി നടപടികൾ സ്വീകരിച്ചു. മൃതദേഹം പരിയാരം മെഡിക്കൽ കോളേജിലേക്ക് മാറ്റി.
വാഹനം കണ്ടെത്തുന്നതിനായി പ്രദേശത്തെ സിസിടിവി ദൃശ്യങ്ങൾ കേന്ദ്രീകരിച്ച് പോലീസ് അന്വേഷണം ഊർജ്ജിതമാക്കിയിട്ടുണ്ട്. അപകടത്തിന് കാരണമായ വാഹനത്തെ കുറിച്ച് വിവരം ലഭിക്കുന്നവർ പഴയങ്ങാടി പോലീസുമായി ബന്ധപ്പെടണമെന്ന് അറിയിച്ചു.