ഗതാഗതം പൂർണമായി തടസ്സപ്പെട്ടതിനെത്തുടർന്ന് വൻ യാത്രാദുരിതമാണ് പ്രദേശത്തുണ്ടായത്. കണ്ണൂർ താവക്കര റോഡിലാണ് ഇന്നലെ സന്ധ്യക്ക് നടുറോഡിൽ പത്തിവിടർത്തി മുർഖനെ കണ്ടത്.
റോഡ് മുറിച്ചുകടക്കാൻ ശ്രമിച്ച മൂർഖൻ, വാഹനങ്ങളുടെ ശബ്ദം കേട്ട് പത്തിവിടർത്തി നടുറോഡിൽ നിലയുറപ്പിക്കുകയായിരുന്നു. പാമ്പിനെ കണ്ട് പേടിച്ച ഇരുചക്രവാഹന യാത്രക്കാരും കാർ ഡ്രൈവർമാരും വാഹനം പെട്ടെന്ന് നിർത്തി. ഇതോടെ റോഡിന്റെ ഇരുവശങ്ങളിലേക്കും വാഹനങ്ങളുടെ നീണ്ട നിര രൂപപ്പെട്ടു. മൂർഖൻ പത്തിവിടർത്തി ചീറ്റിയതോടെ ആരും അടുത്തേക്ക് പോകാൻ തുനിഞ്ഞില്ല.