തിരുവനന്തപുരം വിളവൂര്ക്കലില് ഒന്നരവയസുകാരിയെ കഴുത്തറുത്ത് കൊന്ന് അമ്മയുടെ ക്രൂരത. കൃത്യം നടത്തിയ അമ്മ ക്രിസ്റ്റിയെ പൊലീസ് ചോദ്യം ചെയ്യുകയാണ്. അന്ന എന്ന് വിളിക്കുന്ന ഇവാന എന്ന ഒന്നര വയസുകാരിയാണ് കൊല്ലപ്പെട്ടത്. അഭിജിത്– ക്രിസ്റ്റി ദമ്പതികളുടെ മകളാണ്.
വീട്ടില് വച്ചാണ് സംഭവം നടക്കുന്നത്. മാതാപിതാക്കളുടെ വഴക്കിനിടെ കുഞ്ഞിനെ കഴുത്തറത്തു എന്നാണ് ലഭിക്കുന്ന വിവരം. പൊലീസെത്തിയാണ് കുഞ്ഞിനെ ആശുപത്രിയിലെത്തിച്ചത്. ആശുപത്രിയിലെത്തുക്കുമ്പോഴേക്കും കുട്ടി മരിച്ചിരുന്നു. മലയന്കീഴ് പൊലീസ് സ്റ്റേഷന് പരിധിയിലാണ് സംഭവം നടന്ന സ്ഥലം.