പാലക്കാട്: കൊഴിഞ്ഞാമ്പാറ മേനോൻപ്പാറയില് വീട്ടിലെ വാട്ടർ ടാങ്കില് വീണ് രണ്ട് സഹോദരങ്ങള്ക്ക് ദാരുണാന്ത്യം.
കൊഴിഞ്ഞാമ്പാറ സ്വദേശിയായ ജോണ് കുമാറിന്റെ മക്കളായ അഞ്ച് വയസ്സുകാരി ജനിഫർ ജൂലിയറ്റും, മൂന്ന് വയസ്സുകാരൻ റോബിൻ ക്രിസ്റ്റഫറുമാണ് മരിച്ചത്.കളിക്കുന്നതിനിടെ അബദ്ധത്തില് വാട്ടർ ടാങ്കിലേക്ക് വീണതാണ് അപകടത്തിന് കാരണമായതെന്നാണ് പ്രാഥമിക നിഗമനം. വിവരമറിഞ്ഞ് സ്ഥലത്തെത്തിയവർ ഉടൻ രക്ഷിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല.മൃതദേഹങ്ങള് പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റും. സംഭവത്തില് പൊലീസ് അന്വേഷണം ആരംഭിച്ചിട്ടുണ്ട്.