തലശ്ശേരി: പെയിന്റിങ് ജോലിക്കിടെ കെട്ടിടത്തിൽ നിന്ന് തെന്നി വീണ് മൊകേരി കടേപ്രം സ്വദേശിക്ക് ദാരുണാന്ത്യം. കടേപ്രം തെരുവിലെ കുറ്റിക്കാട്ടിൽ മുസ്തഫ (60) ആണ് മരിച്ചത്.
ഇന്നലെ തലശ്ശേരിയിൽ ഇരുനില കെട്ടിടത്തിൽ പെയിന്റിങ് ജോലിയിൽ ഏർപ്പെട്ടിരിക്കെ കാൽ തെന്നി താഴേക്ക് വീഴുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
പരേതനായ മൊയ്തു ഹാജി-മറിയുമ്മ എന്നിവരുടെ മകനാണ്. ഭാര്യമാർ: ഹസീന, സാജിത. മക്കൾ: മുജീബ്, ഷുഹൈബ്, ഫാസി ഫൈസാൻ, സൈൻ അബ്ദുള്ള, മുഹമ്മദ് ജാഷ്. സഹോദരങ്ങൾ: അഷറഫ്, സലീം, മുനീർ.