തിരുവനന്തപുരം: സംസ്ഥാനത്ത വൈദ്യുതി ഉപഭോക്താക്കൾക്ക് ആശ്വാസം. കെഎസ്ഇബി ഈമാസം ഇന്ധന സർച്ചാർജ് ഈടാക്കില്ല. ദ്വൈമാസ ബില്ലുകാരിൽ ജൂലൈയിൽ യൂണിറ്റിന് ഒരുപൈസ സർച്ചാർജ് ഈടാക്കിയിരുന്നു.
ജൂൺ മാസത്തെ അധിക ചെലവുകളാണ് ഇന്ധന സർച്ചാർജായി ഈടാക്കേണ്ടിയിരുന്നത്. എന്നാൽ, ഒരുകോടി രൂപയ്ക്ക് താഴെയുള്ള ചെലവുകൾ മാത്രമാണ് ഉണ്ടായത്. അതിനാൽ ഇന്ധന സർച്ചാർജ് പിരിക്കേണ്ടെന്നാണ് കെഎസ്ഇബിയുടെ തീരുമാനം.
കഴിഞ്ഞമാസം ദ്വൈമാസ ബില്ലുകാർക്ക് യൂണിറ്റിന് ഒരു പൈസ വെച്ച് സർച്ചാർജ് പിരിച്ചിരുന്നു. പക്ഷേ, ഇത്തവണ പ്രതിമാസ ബില്ലുകാർക്കും ദ്വൈമാസ ബില്ലുകാർക്കും പൂജ്യം പൈസയാണ് ഇന്ധന സർച്ചാർജായി നിശ്ചയിച്ചിരുന്നത്.