കണ്ണൂർ: ജില്ലയിൽ മഴ ശക്തമായി തുടരുന്ന സാഹചര്യത്തിൽ വിനോദസഞ്ചാര കേന്ദ്രങ്ങളിൽ സന്ദർശകർക്ക് താൽക്കാലിക വിലക്ക് ഏർപ്പെടുത്തി. കാലവർഷം കലിതുള്ളി പെയ്യുന്നതിനാൽ വിനോദസഞ്ചാരികളുടെ സുരക്ഷ കണക്കിലെടുത്താണ് സന്ദർശകരുടെ പ്രവേശനത്തിന് താൽക്കാലികമായി നിയന്ത്രണം ഏർപ്പെടുത്തിയതെന്ന് ഡിടിപിസി (DTPC) അറിയിച്ചു.
ജില്ലയിലെ പ്രധാന വിനോദസഞ്ചാര കേന്ദ്രങ്ങളിലെല്ലാം ഇനിയൊരറിയിപ്പ് ഉണ്ടാകുന്നതുവരെ സന്ദർശകർക്ക് കർശനമായ നിയന്ത്രണമായിരിക്കും ഉണ്ടായിരിക്കുക. മോശം കാലാവസ്ഥയെ തുടർന്ന് അപകടസാധ്യതകൾ ഒഴിവാക്കുന്നതിൻ്റെ ഭാഗമായാണ് ഈ അടിയന്തര നടപടി. ജനങ്ങൾ ജാഗ്രത പാലിക്കണമെന്നും സുരക്ഷാ നിർദ്ദേശങ്ങൾ കർശനമായി പാലിക്കണമെന്നും അധികൃതർ വ്യക്തമാക്കി. വിനോദസഞ്ചാര മേഖലകളിലേക്കുള്ള അനാവശ്യ യാത്രകൾ ഒഴിവാക്കാനും നിർദ്ദേശമുണ്ട്.