കണ്ണൂർ: വിദ്യാർത്ഥിനിയെ മർദ്ദിച്ച സംഭവത്തിൽ 15 പ്ലസ് ടു വിദ്യാർത്ഥിനികൾക്കെതിരെ പോലീസ് കേസെടുത്തു.
തോട്ടട ഹയർ സെക്കൻ്ററി സ്കൂൾ വിദ്യാർത്ഥിനിയായ കോയ്യോട് പൂക്കൻ മാവ് സ്വദേശിനിയുടെ പരാതിയിലാണ് എടക്കാട് പോലീസ് കേസെടുത്തത്.
ഇന്നലെ വൈകുന്നേരം 4 മണിക്ക് സ്കൂൾ ബസ് സ്റ്റോപ്പിന് സമീപം വെച്ചാണ് സംഭവം. പരാതിക്കാരിയെ കാല് കൊണ്ട് തള്ളിയിടുകയും കൈ കൊണ്ട് ഇടിക്കുകയും മുഖത്ത് മാന്തുകയും ചെയ്ത് പരിക്കേൽപ്പിച്ചെന്നാണ് പരാതി.
തുടർന്ന് പോലീസിൽ പരാതി നൽകുകയായിരുന്നു.കേസെടുത്ത പോലീസ് അന്വേഷണം ആരംഭിച്ചു.