പഴയങ്ങാടി : മാടായിപ്പാറയിലെ ജൈവവൈവിധ്യം സംരക്ഷിക്കണമെന്നാവശ്യപ്പെട്ട് പരിസ്ഥിതി പ്രവർത്തകരുടെ നേതൃത്വത്തിൽ ഇക്കോ പാർക്കിന് മുന്നിൽ ജനകീയ ഉപരോധം സംഘടിപ്പിച്ചു. അഡ്വ. കസ്തൂരി ദേവൻ ഉപരോധം ഉദ്ഘാടനം ചെയ്തു.
മാടായിപ്പാറയുടെ പാരിസ്ഥിതിക പ്രാധാന്യം സംരക്ഷിക്കേണ്ടതിന്റെ ആവശ്യകത ഉയർത്തിപ്പിടിച്ചായിരുന്നു സമരം. തുടർന്ന് മാടായിപ്പാറയിൽ പ്രകടനവും നടന്നു.
പി.പി. കൃഷ്ണൻ മാസ്റ്റർ അധ്യക്ഷത വഹിച്ചു. കെ.പി. ചന്ദ്രംഗദൻ, വി.സി. ബാലകൃഷ്ണൻ, ഇ. ഉണ്ണികൃഷ്ണൻ, സ്നേഹ ടീച്ചർ, ജയശ്രീ, വി.പി. മുഹമ്മദലി മാസ്റ്റർ, കെ.ഇ. കരുണാകരൻ, വി.എസ്. അനിൽകുമാർ, അഡ്വ. ഹരീന്ദ്രൻ എന്നിവർ സംസാരിച്ചു.