മലപ്പുറത്ത് വീട്ടിൽ ഉറങ്ങിക്കിടന്ന പിഞ്ചുകുഞ്ഞിനെ തെരുവുനായ ആക്രമിച്ചു

 

മലപ്പുറം: കോട്ടയ്‌ക്കൽ ഒതുക്കുങ്ങലിൽ വീട്ടിൽ ഉറങ്ങി കിടക്കുകയായിരുന്ന അഞ്ചുമാസം പ്രായമുള്ള കുഞ്ഞിനെ തെരുവുനായ ആക്രമിച്ചു. ഒതുക്കുങ്ങൽ തൊടുവത്തുപറമ്പിൽ ഇന്ന് ഉച്ചയോടെയാണ് സംഭവം. ബന്ധു വീട്ടിൽ വിരുന്നിനെത്തിയതായിരുന്നു കുടുംബം.

വീടിനകത്ത് ഉറങ്ങിക്കിടന്ന കുഞ്ഞിനെയാണ് നായ കടിച്ചത്. കുഞ്ഞ് നിലവിൽ മഞ്ചേരി മെഡിക്കൽ കോളേജ് ആശുപത്രിയിൽ ചികിൽസയിലാണ്. കാസർഗോഡ് ഉപ്പളയിൽ വീട്ടുമുറ്റത്ത് കളിച്ചുകൊണ്ടിരുന്ന ഒന്നര വയസുകാരനും തെരുവുനായയുടെ ആക്രമണത്തിൽ പരിക്കേറ്റു. ജോഡ്ക്കല്ലിലെ ഗുരുപ്രസാദ്-തുളസി ദമ്പതികളുടെ മകൻ റിത്തുരാജിനാണ് കടിയേറ്റത്.