കണ്ണൂർ : റോഡ് ടാറിങ് പ്രവൃത്തികൾ പുരോഗമിക്കുന്നതിനാൽ നഗരത്തിലെ പ്രധാന കേന്ദ്രമായ മേലേചൊവ്വ ജംഗ്ഷനിൽ ഗതാഗത നിയന്ത്രണം ഏർപ്പെടുത്തും. ജൂലൈ 15, 16 (ബുധൻ, വ്യാഴം) തീയതികളിൽ രാത്രിയിലാണ് നിയന്ത്രണം ഉണ്ടാവുക.
രാത്രി ഒൻപത് മണി മുതൽ പിറ്റേന്ന് രാവിലെ ഏഴു മണിവരെയാണ് ഗതാഗത നിയന്ത്രണം ഏർപ്പെടുത്തിയിട്ടുള്ളതെന്ന് ബന്ധപ്പെട്ട അധികൃതർ അറിയിച്ചു. ഈ സമയങ്ങളിൽ ജംഗ്ഷനിലൂടെയുള്ള ഗതാഗതം പൂർണ്ണമായി തടയില്ലെങ്കിലും, സുരക്ഷയുടെ ഭാഗമായി ഒരു ദിശയിൽ കൂടി മാത്രമേ വാഹനങ്ങൾ കടത്തിവിടുകയുള്ളൂ. രാത്രി സമയങ്ങളിൽ ഇതുവഴി യാത്ര ചെയ്യുന്നവർ ഗതാഗതക്കുരുക്ക് ഒഴിവാക്കാനായി ഈ വിവരം ശ്രദ്ധിക്കണമെന്ന് അധികൃതർ നിർദേശിച്ചു.