കാസർഗോഡ്: കെ.എസ്.ആർ.ടി.സി പ്രിയദർശിനി ബസില് നിന്നും യാത്രക്കാരി തെറിച്ചു വീണു. ബസ് നിർത്താതെ പോയതായി പരാതി.
കരിവേടകം ശങ്കരം പാടി സ്വദേശിനി തമ്പായി(75) ആണ് ബസില് നിന്നും തെറിച്ചു വീണത്.
ബുധനാഴ്ച രാവിലെ ആറുമണിയോടെ കുറ്റിക്കോലില് വച്ചാണ് സംഭവം. സ്റ്റോപ്പില് ഇറങ്ങുന്നതിനിടെ വയോധിക റോഡിലേക്ക് തെറിച്ച് വീഴുകയായിരുന്നു. പരിക്കേറ്റ ഇവരെ ചെങ്കളയിലെ സ്വകാര്യ ആശുപത്രിയില് പ്രവേശിപ്പിച്ചു. വീണിട്ടും ബസ് നിർത്താതെ പോയെന്നാണ് പരാതി. സംഭവത്തില് കെ.എസ്. ആർ. ടി.സി ബസ് ഡ്രൈവർക്കെതിരെ ബേഡകം പൊലീസ് കേസെടുത്തു.