തളിപ്പറമ്പ്: ദേശീയപാതയിലെ ബസ് ഷെൽട്ടറിൽ നിന്നും കുടുംബത്തിന്റെ പണമടങ്ങിയ ബാഗ് മോഷ്ടിച്ച സംഭവത്തിൽ പ്രതി പിടിയിൽ. ചപ്പാരപ്പടവ് ഏരുവാട്ടി സ്വദേശി മുരിഞ്ഞോത്ത് ഹൗസിൽ സന്തോഷ് ആണ് അറസ്റ്റിലായത്.
കഴിഞ്ഞ ജൂലൈ 17-നാണ് കേസിനാസ്പദമായ മോഷണം നടന്നത്. തളിപ്പറമ്പ് ദേശീയപാതയോരത്തെ ബസ് ഷെൽട്ടറിൽ നിൽക്കുകയായിരുന്ന കുടുംബത്തിന്റെ ശ്രദ്ധ മാറിയ സമയത്താണ് പ്രതി ബാഗ് കവർന്നത്.