കണ്ണൂർ:കാലവർഷം കേരളത്തിൽ എത്തിയതായി കേന്ദ്ര കാലാവസ്ഥ വകുപ്പ്.
സാധാരണ ജൂൺ ഒന്നിനാണ് കേരളത്തിൽ കാലവർഷം ആരംഭിക്കാറുള്ളത്. എന്നാൽ ഇത്തവണ മൂന്ന് ദിവസത്തോളം വൈകിയാണ് കാലവർഷം എത്തിയത്.
തെക്ക് പടിഞ്ഞാറൻ - തെക്ക് കിഴക്കൻ അറബിക്കടലിന്റെ ബാക്കി ഭാഗങ്ങളിലേക്കും മധ്യ അറബിക്കടലിന്റെ ചില ഭാഗങ്ങളിലേക്കും ലക്ഷദ്വീപ് മുഴുവനായും കേരളം, മാഹി എന്നിവിടങ്ങളിലും കാലവർഷം വ്യാപിച്ചു.
അടുത്ത 2-3 ദിവസങ്ങളിൽ മധ്യ അറബിക്കടലിന്റെ കൂടുതൽ ഭാഗങ്ങൾ, ഗോവ, മഹാരാഷ്ട്ര, ആന്ധ്രാപ്രദേശ് എന്നിവയുടെ ചില ഭാഗങ്ങൾ കർണാടകയുടെ കൂടുതൽ ഭാഗങ്ങളും തമിഴ്നാടിന്റെ ബാക്കി ഭാഗങ്ങളും ബംഗാൾ ഉൾക്കടലിന്റെ മധ്യ വടക്ക് കിഴക്കൻ മേഖലകളും ഇന്ത്യയുടെ വടക്ക് കിഴക്കൻ സംസ്ഥാനങ്ങളിലെ ചില ഭാഗങ്ങളിലേക്കും വ്യാപിക്കാൻ സാധ്യത.