തിരുവനന്തപുരം: മില്മ പാലിന്റെ വിലവര്ധന തിങ്കളാഴ്ച പ്രാബല്യത്തില് വരും. ലിറ്ററിന് നാല് രൂപയാണ് വര്ധിക്കുന്നത്. ഇതില് 3.35 രൂപ ക്ഷീര കര്ഷകര്ക്കും 25 പൈസ ക്ഷീര സഹകരണ സംഘങ്ങള്ക്കും ലഭിക്കും.
ഉത്പാദനച്ചെലവ് വര്ധിച്ച സാഹചര്യത്തില് ക്ഷീരകര്ഷകരെ ഈ മേഖലയില് നിലനിര്ത്തുന്നതിന് വില വര്ധനവ് അനിവാര്യമാണെന്ന് മില്മ ചെയര്മാന് കെ.എസ് മണി പറഞ്ഞു. നിലവിലുള്ള പാല് കവറുകളുടെ സ്റ്റോക്ക് തീരുന്നതുവരെ പഴയ വില അതില് അച്ചടിക്കും.