തളിപ്പറമ്പ് എക്സൈസ് സംഘം 66.224 ഗ്രാം എംഡിഎംഎയുമായി രണ്ട് യുവാക്കളെ അറസ്റ്റ് ചെയ്തു; ഇവരിൽ സി. അബ്ദുൽ ഫത്താഹ്, എം.പി. നിഹാൽ എന്നിവർ തളിപ്പറമ്പ്, ചൊറുകളത്തുള്ളവരാണ് . രാത്രികാല പട്രോളിങ്ങിനിടെയാണ് ഇവരെ പിടികൂടിയത്. ബെംഗളൂരു, മംഗളൂരു എന്നിവിടങ്ങളിൽ നിന്ന് ലഹരിമരുന്ന് കൊണ്ടുവന്ന് വിൽപ്പന നടത്തുന്ന സംഘത്തിലെ പ്രധാന കണ്ണികളാണ് ഇവർ എന്നും, തുടക്കത്തിൽ ചില്ലറ വിൽപ്പന നടത്തിയ ഇവർ പിന്നീട് മൊത്തക്കച്ചവടക്കാരായി മാറിയെന്നും എക്സൈസ് ഉദ്യോഗസ്ഥർ അറിയിച്ചു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.