കണ്ണൂർ പയ്യന്നൂർ സ്വാമി മുക്ക് ഈസ്റ്റേൺ വുഡ് തടിമില്ലിൽ ചൊവ്വാഴ്ച രാവിലെ ആറോടെയാണ് തീപിടിത്തമുണ്ടായത്. തടികളും യന്ത്രഭാഗങ്ങളും ഭാഗികമായി കത്തിനശിച്ചു. വിവരം ലഭിച്ചതിനെ തുടർന്ന് പയ്യന്നൂർ അഗ്നിരക്ഷാസേനയുടെ രണ്ട് യൂണിറ്റുകൾ സ്ഥലത്തെത്തി തീയണച്ചു. അസിസ്റ്റന്റ് സ്റ്റേഷൻ ഓഫീസർ തോമസ് ദാനിയേലിന്റെ നേതൃത്വത്തിൽ നിരവധി ഫയർഫോഴ്സ് ഉദ്യോഗസ്ഥർ രക്ഷാപ്രവർത്തനത്തിൽ പങ്കെടുത്തു.