കൂടുതല് ആളുകളും ദീർഘ ദൂരയാത്രകള്ക്കും മറ്റും ഉപയോഗിക്കുന്നത് ട്രെയിനുകളാണ്. എന്നാല് അപ്രതീക്ഷിതമായി ട്രെയിൻ സർവീസുകളില് മാറ്റം ഉണ്ടാകുന്നത് ആളുകളുടെ യാത്രകളെ ബാധിക്കാറുണ്ട്.
ട്രെയിൻ സർവീസുകളിലെ മാറ്റം റെയില്വേ സമൂഹമാധ്യമങ്ങള് വഴി പങ്കുവെയ്ക്കാറുണ്ട്. പാലക്കാട്, മധുരൈ റെയില്വേ ഡിവിഷനുകളില് ട്രാക്ക് അറ്റകുറ്റപ്പണി നടക്കുന്നതിനാല് ട്രെയിൻ സർവീസുകളില് മാറ്റമുണ്ട്. ഷൊർണൂർ ജങ്ഷൻ - നിലമ്പൂർ റോഡ് മെമു (66325) 10, 17, 24, 31 ദിവസങ്ങളിലെ സർവീസുകള് പൂർണമായി റദ്ദാക്കിയതായിട്ടാണ് അറിയിച്ചിരിക്കുന്നത്.
ഷൊർണൂർ ജങ്ഷൻ - നിലമ്പൂർ റോഡ് മെമു (66325) 10, 17, 24, 31 ദിവസങ്ങളിലെ സർവീസുകള് പൂർണമായി റദ്ദാക്കി. 09, 16, 23, 30 ദിവസങ്ങളില് സർവീസ് നടത്തുന്ന തിരുവനന്തപുരം നോർത്ത് - നിലമ്പൂർ റോഡ് രാജ്യറാണി എക്സ്പ്രസ് (16349) ഷൊർണൂർ ജങ്ഷനില് യാത്ര അവസാനിപ്പിക്കും.
7, 11, 14 ദിവസങ്ങളില് പാലക്കാട് ജങ്ഷൻ -- തിരുച്ചെന്തൂർ എക്സ്പ്രസ് (16731), 8, 13 ദിവസങ്ങളില് തിരുച്ചെന്തൂർ -- പാലക്കാട് ജങ്ഷൻ എക്സ്പ്രസ് (16732) ട്രെയിനുകള് മധുര, മാനാമധുര, വിരുദുനഗർ വഴിതിരിച്ചുവിടും.