കണ്ണൂർ:എളയാവൂരിൽ പൂട്ടിയിട്ട വീട്ടിൽ വാതിൽ തകർത്ത് പണവും സിസിടിവി ഉപകരണങ്ങളും കവർന്നു. എളയാവൂർ അമ്പലം റോഡിൽ ബദറുദ്ദീൻ പള്ളിക്കു സമീപത്തെ ലാൽ ജോസഫിൻ്റെ ഉടമസ്ഥതയിലുള്ള വീട്ടിലാണ് മോഷണം നടന്നത്. കഴിഞ്ഞ ദിവസം പുലർച്ചെയാണ് സംഭവം. വീടിൻ്റെ മുൻവശത്തെ വാതിലും മറ്റൊരു വാതിലും തകർത്താണ് മോഷ്ടാവ് വീടിനകത്തെത്തിയത്. കിടപ്പുമുറിയിലെ അലമാരയിൽ സൂക്ഷിച്ച 18,000 രൂപയും സിസിടിവിയുടെ ഡിവി ആറും വിലപിടിപ്പുള്ള വസ്ത്രങ്ങളും കവർന്നു. ഡിവിആർ കൊണ്ടുപോയതിനാൽ ദൃശ്യങ്ങൾ ലഭ്യമായില്ല.
കണ്ണൂരിൽനിന്ന് ഡോഗ് സ്ക്വാഡും ഫിംഗർ പ്രിൻ്റ് ബ്യൂറോ ഉദ്യോഗസ്ഥരും സ്ഥലത്തെത്തി തെളിവെടുത്തു. കണ്ണൂർ ടൗൺ പൊലീസ് കേസെടുത്ത് അന്വേഷണം ആരംഭിച്ചു.
⭕⭕⭕⭕⭕⭕
🪀 *പ്രാദേശിക വാർത്തകൾ തത്സമയം ലഭിക്കുവാൻ താഴെയുള്ള ലിങ്കിൽ ക്ലിക്ക് ചെയ്യുക*👇🏻
https://chat.whatsapp.com/GGSlZIGjcRzKtlSTaX8e16?mode=gi_t