വോട്ടര്മാരുടെ മനസ്സ് നേരിട്ട് കീഴടക്കാനുള്ള അവസാനവട്ട തന്ത്രങ്ങളിലാണ് സ്ഥാനാര്ഥികളും നേതാക്കളും.
കേരളത്തെ രാഷ്ട്രീയച്ചൂടിലാക്കിയ മൂന്നാഴ്ച പിന്നിട്ട് ഇന്ന് നിശബ്ദ പ്രചാരണ ദിനം. ഇന്ന് പരമാവധി വോട്ടര്മാരെ നേരിട്ട് കണ്ട് വോട്ട് ഉറപ്പിക്കാനുള്ള അവസാന ശ്രമത്തിലാണ് സ്ഥാനാര്ഥികള്.
നിശബ്ദപ്രചാരണത്തിന് ശേഷം വ്യാഴാഴ്ച കേരളം വിധിയെഴുതും. മെയ് നാലിനാണ് വോട്ടെണ്ണല്.
140 മണ്ഡലങ്ങളിലായി 30,495 ബൂത്തുകളിലാണ് വോട്ടെടുപ്പ്. 883 സ്ഥാനാര്ഥികളാണ് മത്സരിക്കുന്നത്. രാവിലെ 7 മുതല് വൈകിട്ട് ആറ് വരെയാണ് വോട്ടെടുപ്പ്.
53,984 സര്വീസ് വോട്ടര്മാര് ഉള്പ്പെടെ 2,71,96,936 സമ്മതിദായകരാണുള്ളത്. പോളിങ് സാധനങ്ങളുടെ വിതരണം ഇന്ന് രാവിലെ വിവിധ കേന്ദ്രങ്ങളില് ആരംഭിക്കും.
1.46 ലക്ഷം ഉദ്യോഗസ്ഥരെ നിയോഗിച്ചിട്ടുണ്ട്. പ്രശ്ന ബാധിത ബൂത്തുകള് 2040 ആണ്. ഹോം വോട്ടിങ് 98 ശതമാനം പൂര്ത്തിയാക്കി