PAYANGADI WEATHER Sunenergia adIntegra AdAds



ഒരുമിച്ച് താമസിച്ചു, തെറ്റിപ്പിരിഞ്ഞു; പിന്നാലെ യുവതിയെ വീട്ടിൽക്കയറി പീഡിപ്പിച്ച് യുവാവ്, പരാതി



കാസർകോട്: ഒരുമിച്ചു താമസിച്ചിരുന്ന യുവതിയെ തെറ്റിപ്പിരിഞ്ഞതിനു പിന്നാലെ യുവാവ് പീഡിപ്പിച്ചതായി പരാതി. വിദ്യാനഗർ പൊലീസ് സ്‌റ്റേഷൻ പരിധിയിലെ 37കാരിയുടെ പരാതിയിൽ ചിത്താരി സ്വദേശി സജീറിനെതിരെ മേൽപ്പറമ്പ് പൊലീസ് കേസെടുത്തു. യുവതിയും സജീറും ഒരുമിച്ചായിരുന്നു താമസം. എന്നാൽ യുവാവുമായി തെറ്റിപ്പിരിഞ്ഞ് യുവതി മറ്റൊരിടത്തേയ്ക്ക് താമസം മാറ്റിയിരുന്നു. സജീർ ഇവിടെ എത്തി പീഡിപ്പിച്ചെന്നാണു പരാതി.

സ്വന്തം വീട്ടിൽ നിന്നു പിണങ്ങിപ്പോയ യുവതി എറണാകുളത്തായിരുന്നു താമസം. ഇവിടെ വച്ചാണ് സജീറുമായി പരിചയപ്പെടുന്നതും അടുപ്പത്തിലാകുകയും ഒരുമിച്ച് താമസം ആരംഭിക്കുകയും ചെയ്തത്. പിന്നീട് സജീറുമായി തെറ്റുകയും യുവതി തിരിച്ച് കാസർകോട്ടേയ്ക്കു വരികയുമായിരുന്നു. സ്വന്തം വീട്ടിൽ പോകാതെ യുവതി കളനാട്ടെ ക്വാർട്ടേഴ്സിലായിരുന്നു താമസം. സജീർ ഇവിടെയത്തി പീഡിപ്പിച്ചുവെന്നാണ് പരാതി. സംഭവത്തിൽ അന്വേഷണം നടത്തുകയാണെന്നു പൊലീസ് പറഞ്ഞു.




Post a Comment

സൈബര്‍ നിയമ പ്രകാരം അശ്ലീലവും നിയമ വിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കേണ്ടതാണ്. വായനക്കാരുടെ അഭിപ്രായങ്ങള്‍ വായനക്കാരുടെത് മാത്രമാണ്.